Në stadiumin “Fadil Vokrri” në Prishtinë, Kosova zhvillon ndeshjen e dytë në kuadër të Grupit 2 ne Ligën C të Ligës së Kombeve. Greqia është kundërshtari i Dardanëve, të cilët hynë në këtë sfidës pas fitores komode në udhëtim te Qipro me golat e Valon Berishës dhe Edon Zhegrovës. Edhe Helenët e fituan takimin e parë duke e mposhtur si mysafir Irlandën e Veriut me rezultat 1-0. Kosova dhe Greqia janë takuar dy herë në të kaluarën në Ligën e Kombeve, njëra sfidë ka përfunduar baras, kurse tjetrën e kanë fituar skuadra mysafire. Këto skuadra kanë luajtur edhe në kualifikimet për Kampionatin Botëror dhe në të dyja përballjet kanë luajtur baras me rezultat identik (1-1).
Nadal mbretëron për herë të 14-të në ‘Roland Garros’, mposht Ruud në finale për titullin e 22-të në histori
Rafael Nadal ka fituar ndaj Casper Ruud me rezultat 3-0 në sete (6-3, 6-3, 6-0) në finalen e ‘French Open 2022’ apo e njohur ndryshe si ‘Roland Garros’. Tenisti spanjoll ka treguar edhe një herë që është mbret i terreneve me dhe duke triumfuar në French Open 2022. Nadal arriti të triumfoj pa shumë vështirësi ndaj kundërshtarit të tij norvegjez Ruud, të cilin e mposhti 3-0 me sete.